Báddemat
DJ iJa áŋggaštus elektronalaš musihkkii ja dasa lassin sámi kultuvrii ja gillii lea muitalus das maid dat mearkkaša leahkit sámi musihkkárin otne. Su jođihanfápmu lea álo geahččaladdat ođđa vugiid mas juohke bargu lea mátki ođđa ovdanbuktimiidda.
Barggut
2023
Ođđasit gieđahallan Sweet Tempest bihtá «White Country»
DJ iDJa oaččui 2023 giđa jearaldaga dánska joavkkus Sweet Tempest ođđasit gieđahallat sin beakkán šuoŋa «White Counntry» man Spotify bokte leamašan 700 000 guldaleaddji.
DJ iDJa gieđahalai šuoŋa mii álmmuhuvvui borgemánu 4. beaivve. Dá joavkku preassadieđáhus dán birra:
«DJ iDJa, gii lea okta sámi artistta geas leat erenoamáš attáldagat, ovdanbuktá dákko bokte ođđa buktaga Sweet Tempest remiks EP skerrui. Su buktagis gullat elektrihkalaš ja árjjalaš tekno komposišuvnna mii hui sihkkarit oažžu olbmuid lihkadit. Dá lea šuokŋa mas báhcá bistevaš muitogovva».
2023
Ovdanbuktin London gullevaš rádiostašuvnnas «THREADS»
Lávvardaga cuoŋománu 1. beaivve dagai DJ iDJa erenoamáš ovdanbuktima London gullevaš THREADS rádiostašuvnnas.
Duogážin dasa lei ovttasbargu gaskal THREADS, Etikett Radio Berlin ja guokte sorjjasmeahttun kollektiivva: Field Conspiracy ja FOAD.
Ovdanbuktimis gullojedje jienat Sámis, luohti erenoamáš hámis ja iešguđetlágan luonddujienat.
2023
Spatial sound ovdanbuktin Berliinnas
Okta 8-kanála jietnaovdanbuktin mas DJ iDJa geavahii iešguđetlágan teknihkaid ráhkadit buktaga mas iskkai iešguđetlágan jienaid. Dát bargu presenterejuvvui «Spatial Sound Festiválas» Berliinnas njukčamánus 2023.
2023
«Techno Áhčči» dáiddaprošeakta
Okta audiovisuála dáiddaprošeakta, filbma ja jienat, ja masa DJ iDJa vieččai inspirašuvnna iežas sámi duogážis ja technolávddis Berliinnas. Lei stuorra produkšuvdna mas báddemat dáhpáhuvve Norggas ja Duiskkas. Buvttadeamis ledje bargit golbma nannámis eret.
3000 oanehisfilmmaid gaskkas beasai «Techno Áhčči» «Norgga oanehisfilbmafestiválii» Grimstadas geassemánus 2023 ja nominerejuvvui vel «Gullstolen» luohkái. Dan maŋŋá lea filbma čájehuvvon filbmafestiválain miehtá máilmmi.
2023
Billistit Olmmáivuođa
(siŋŋel)
Siŋŋel mii álmmuhuvvui ovttas davvisámi lávluin Sunna Máret Utsi. DJ iDJa lea gieđahallan ja produseren lávlaga masa Sunna Máret Utsi lea čállán sániid.
2022
Dálveidja
(siŋŋel)
Siŋŋel mii álmmuhuvvui ovttas lávluin ja artisttain Inna Marja Amundsen. DJ iDJa lea gieđahallan ja produseren lávlaga mii šattai «Dán mánu Urbi» NRK Sámis ja nubbin «Track of the year» jahkekavalkádas seamma kanálas.
2021
Dim the Light
(siŋŋel)
Siŋŋel mas artista geahččalattai jietnadesignain synthwave šáŋŋeris. Ellisiv Olsen lávlu lávlaga masa ieš lea čállán sániid.
2024
Stories from Sápmie (album)
Stories from Sápmi (2024) lea álbuma mas DJ iDJa ovttasbargá lullisámi Ramona Linneain eret Sømnas. Álbuma ovttastahttá elektrovnnalaš musihka sámi poesiijain ja báddejuvvon luonddujienaiguin ovtta boazoguohtundoaluin Helgelánddas.
Álbumis, mas leat logi bihttá, soai iskaba sámi identitehta ja eamiálbmotrahčamušaid, maiddái «Mijjen Vaerieh, Mijjen Aerpie» nammasaš bihtás - mii lea dat vuosttaš máttasámegielat drum and bass šuokŋa.
Okta bihttá álbumis, Maadteraahka, nominerejuvvui SVT Sápmi Jagi Šuokŋan 2024. Bihtát álbumis ovdanbuktojuvvojedje maiddái TV Norgga «Norske Talenter» gilvvus 2024:s. Dás beasat geahčat semifinála mii sáddejuvvui njuolgga ja mas soai ovdanbuvttiiga bihttá Mijjen Vaerieh, Mijjen Aerpie.
2024
Klubbas (EP)
Mátki techno, árbevieruid ja persovnnalaš stuimmiid čađa.
Klubbas lea okta EP mii sisdoallá guhtta bihttá. Dán EP:s kombinere DJ iDJa klubbamusihka luđiin, operain ja báddejuvvon jienaiguin dahkkon Sámis. EP:s leat persovnnalaš muitalusat mat gusket behttui, gullevašvuhtii ja jearaldagaide eananvuoigatvuođaid birra ja kultuvrralaš identitehtii. EP:a buvttaduvvui Berlinas ja álmmuhuvvui skábmamánu 8. beaivve 2024. Ovtta bihtás oassálastá operalávlu Adrian Angelico.
2021
Gieriesvoete
(album)
Álbmuma mas leat 11 lávlaga maid DJ iDJa lea produseren. Ramona Kappfjell Sørfjell ja Ole-Henrik Bjørkmo Lifjell (ÅVLA) lávluba eŋgelas- ja máttasámegillii.