STAAJNE (teáhterbihttá, 2023)

STAAJNE lea okta teáhterčájálmas maid DKS Nordlánda lea buvttadan.  Čakčat 2003:s čájehuvvui bihttá joatkkaskuvllain Lofuohtás ja Viestterálas gos sullii 2000 oahppi gehčče dán čájálmasa.  STAAJNE čájálmasas barget sámi dáiddárat eret iešguđetge guovllus Sámis ja čájálmasas gullojit vihtta sámi suopmana;  bihtánsámegiella, julevsámegiella, ubmisámegiella, lullisámegiella ja davvisámegiella.

​

Muitalusas neaktá DJ iDJa «Máhte» gii ássá Sáivu riikkas, sápmelaččaid paradiijásis jápmima maŋŋá.  Máhtte lea Iŋkke viellja ja sus lea váldorolla dán muitalusas.  Lea Emma Elliane Oskal Valkeapää gii neaktá Iŋkke.  Aigin, gean Ole Henrik Lifjell neaktá, lea Iŋkke mielčuovvu.

​

Ovttas navigereba Iŋke ja Aigin postapokalyptalaš máilmmis gos eai gávdno nu ollu resurssat mii dagaha ahte soai snuhkormastiba Sáivu riikii.  Go soai fuomášeaba ahte nuoskkideapmi dan duođalaš máilmmis áitá Sáivu riika ja dagaha guktui riikkaid bártái de soai máhccaba eananlaš sfærii viisodagain mii galgá sihkkarastit guktui riikkaid boahtte áiggi. Dan botta go Iŋke ássá eananlaš riikkas de lea Máhte bissovaš ásodat eteralaš Sáivu riikkas.

​

Earret go debuteren neavttárin de lea DJ iDJa maiddái kurateren bihttá musihka- ja jietnahábmema mas son beasai geavahit iežas elektrovnnalaš  musihka čehppodaga ovttas easka oahppan neaktin čehppodaga. 

STAAJNE lea muitalus luonddugáhttema birra ja sámi servvodaga rikkis kulturárbbi ja gielaid birra.

​

Dás oainnát govaid: