
Stories from Sápmie
Jagis 2023 leaba artistta guovttos DJ iDJa ja Ramona Linnea ovttasbargan ovttain hui erenoamáš prošeavttain. «Stories from Sápmi» álbuma viežžá inspirašuvnna Sámi luonddus, sámi mytologiijas ja álgoálbmogiid rahčamušain.
Báddemiiguin luonddus Helgelánddas, mii lea prošeavtta vuolggasadji, leaba artista guovttos seaguhan iešguđetge luonddujienaid teknologalaš elemeanttaiguin.
Barggu loahppaboađus sisdoallá iešguđetge jietnahámiid (ambient) ja divttaid ja dasa lassin house, pop ja drum & bass musihkka šáŋŋeriid. Olles dán prošeavtta vuolggasadji lea Sámi luondu ja nu mo artisttat ieža dan dulkojit.
Artisttaid birra:
Iežas musihka bokte iská sámi jietnadáiddár iDJa mo luondu ja teknologiija ovttasdoaibmaba. Son geavaha iežas jietnabáddemiid luonddus dego jietnahábmema vuolggasadjin. iDJa lea studeren elektrovnnalaš musihka Berlinas, Duiskkas, juoga mii čielgasit lea váikkuhan su musihkalaš ovdanbuktinvuohkái. Ramona Linnea lea lullisámi artista geas leat ruohttasat Helgelánddas Nordlánddas. Su sávaldat birgehit lullisámegiela ja boazodoalu bohtet ovdan lávlagiin maid son čállá. Luohti lea su álo čuvvon ja dakko bokte son háliida addit guldaleaddjiide albma ja lunddolaš ovdanbuktima.