iDJa: Biografiija
DJ. Buvttadeaddji. Jietna artista. Gulahallanspesialista. Journalista. Prošeaktajođiheaddji.
Ja ollu eará.
Šleađgapoasta:
Ássanbáiki:
Båddådjo, Norga
Olles historjá: Ođasbarggus musihkkii mii njeaidá rájiid
iDJa lea eret Norgga bealde Sámis. Son lea máŋggabealat artista gii lea gávdnan iežas bálgá mas kombinere vásáhusaid journalistihkas elektronalaš musihkkabuvttademiin ja jietnadáidagiin. Journalisttalaš ja media vásáhusaiguin, gulahallamiin ja ráđđeaddin sihke báikkálaččat ja regionálalaččat, lea iDJa ráhkadišgoahtán musihka elektronalaš ritmmaiguin ja miellagiddevaš jietnagovahallamiiguin. Iežas mediaduogáža bokte lea son huksen vuđolaš servvodat-, politihkalaš ja kultuvrralaš áddejumi juoga mii maiddái boahtá ovdan su artisttalaš bargguin.
Lea goitge DJ iJa nana sámi duogáš mii lea vuođđun su dáiddalaš identitehtas. Son seaguha iežas kulturárbbi ođđaáigásaš teknologiijain huksen dihti erenoamáš musihkka vásáhusaid. Dát máŋggabealat seaguhus ealáskahttá su musihka ja doalvu guldaleddjiid miellagiddevaš mátkái jienaid, dovdduid ja govahallamiid bokte.
iDJa lea čuojahan olu festiválain, ii dušše Sámis muhto maiddái Ruoŧas, Tsjekkias ja Duiskkas. Dát čájeha su iešguđetlágan attáldagaid main bokte son geavaha iežas čehppodaga gulahallamis ja prošeakta jođiheames muitalit historjjáid mat olahit guhkás olggobeallai Sámi rájáid.
iDJa ođđaseamos sukseassa, «Techno Áhčči», čájeha mo su attáldagat bohtet ávkin. Ollugat veahkehedje su ruđalaččat dainna bálkkašumivuoiti dáidda- ja musihkkavideo prošeavttain. Son heivehalai báddemiid guovtti riikkas ja sus ledje bargit golbma nannámis eret. Dát muitala čielgasit su organiseren attáldagaid birra.
Su oahppoduogáš muitala ahte sus leat erenoamáš akademalaš kvalifikašuvnnat. Sus lea okta master dokumentárafilbma buvttadeames Lillehammer University Colleges (dál Inland Norway University of Applied Sciences) ja okta master strategiija ja jođiheames Nord universitehtas. Dasa lassin de válddii son gieskat alit musihkka oahpu elektronalaš musihkkabuvttadeames ja ovdanbuktimis Catalyst Instituhtas Berliinnas Duiskkas.
iDJa musihkka- ja dáiddalaš mátki čájeha mo iešguđegelágan váikkuhusat, ámmátlaš gelbbolašvuohta ja nana gullevašvuohta iežas sámi duogážii, sáhttet suddat oktii ja buktit ovtta erenoamáš artista identitehta. Son joatká iskat rájáid, inspireret olbmuid ja eará dáiddáriid. Su erenoamáš attáldagat muitalit historjjáid teknologiija ja musihka ođasmahttima bokte dagaha su višunearan sámi elektronalaš musihkkamáilmmis.
OAHPPU
Higher Education certificate
Catalyst Instituhtas Berlinas
(electronic music and performance)
borgemánus 2022 - miessemánnui 2023
MBA strategiijas ja jođiheames
Nord Universitehtas
(čekŋudeapmi jođiheames)
borgemánus 2020 - miessemánnui 2023
Davvisámi giellakursa
E-skuvla.no
(oahpahus interneahta bokte)
čakčamánus 2018 - joatkašuvvá ain otne
Master TV-buvttadeames
Lillehammer allaskuvla
(čiekŋudeapmi dokumentárafilbma regiijas)
borgemánus 2012 - geassemánnui 2014
Bachelor multimedia teknologiijas
Davvi-Trøndelága allaskuvla
borgemánus 2008 - geassemánnui 2011)
Mediat ja gulahallan
Vefsn joatkkaskuvla, Mussiris
(joatkkaskuvla mii addá oppalaš lohkangelbbolašvuođa)
borgemánus 2005-geassemánnui 2008
Jagi oahppu kulturbuvttadeamis mas studeanttat ohppe ráhkadit musihka ja ođđa kulturovdanbuktimiid teknologiija bokte. Dás geavahii artista iežas sámi duogáža musihkka barggu- ja oahppu oktavuođas mas maiddái fidnohutkan lei guovddážis.
Master strategiijas ja jođiheamis mat leat mielddisbuktán buriid hálddahuslaš bargoneavvuid go lea sáhkan ovdánahttit iežas artista karrieara - dahje veahkehit eará fitnodagaid ja artisttaid lihkosmuvvamis bargguin. Oahpus ledje fáttát nugo globála perspektiivat, ekonomalaš mearrádusat, prošeakta- ja nuppástuhttin jođiheapme ja stivrrajođiheapmi.
Rávisolmmožin mearridii artista oahppat sámegiela ja nu son oahppagođii davvisámegiela interneahta bokte. Son oahppagođii juo sámegiela C-giellan joatkkaskuvllas. Otne son máhttá sámegiela árgabeaivválaš dásis ja bearrašiin son hállá dušše sámegiela. Son oažžu ain otne vahkkosaš oahpahusdiimmuid sámegielas interneahta bokte.
Oahpahusas buvttaduvvojedje guokte guhkebuš dokumentárafilmma ja dasa lassin ožžo studeanttat oahpu muitalanteknihkas ja mo juohkit dieđuid álbmogii. Sii ožžo maid oahpu gáldokritihkas ja etihkas.
Praktihkalaš teorehtalaš lohkansuorgi mas studeanttat ožžo gelbbolašvuođa mediabuvttadeamis iešguđet vuođđovuogádagain. Studeanttat ohppe Photoshop ja Premiere nammasaš digitála reaidduid geavaheami birra ja dasa lassin digitála sisdoalu distribušuvnna birra ja fidnohutkama birra. Dát leat dehálaš reaiddut artistii otná digitála máilmmis.
Dalle juo joatkkaskuvllas olahuvvui gelbbolašvuohta mediabuvttadeamis ja das mo juohkit dieđuid álbmogii. Olahuvvui maiddái govven- ja videofilbmen gelbbolašvuohta ja dasa lassin mo ráhkadit neahttasiidduid. Lassin eará fágaide oaččui studeanta maid oahppu sámegielas C-giela dásis.
VÁSÁHUS MEDIASUORGGIS
Journalista, vuorrohoavda ja digitála sisdoallu ovddideaddji
geassemánus 2013-ođđajagemánus 2024
Lassin artistakarrierii leamašan su váldobargu medias gos sus leamašan máŋga iešguđetlágan rollat. Guovddážis leamašan ovddidit ođđa muitalan formáhtaid ja giellamálle geasuhan dihte nuoraid digitála sisdoallu ovddideaddji rolla bokte. Váktahoavdarollas lea son bargan beaivválaš bargojođiheamen journalistihkas ja dehálaš servvodat áššiid čuovvolemiin. Journalistan lea son erenoamážit gidden fuomášumi dálkkádat áššái juoga mii áin báidná artistta otná musihkka karrieara. Ambišuvdnan lea geavahit sámi artistta jiena muitalit olbmuide dálkkádatrievdamiid váikkuhusaid birra ja hástalusaid birra mat leat čatnon rahčamušaide bissehit dálkkádatrievdamiid - dávjá álgoálbmot perspektiivvain.
DÁIDDALAŠ VÁSÁHUSAT
«DJ iDJa» ahtanuššan sámi artistan
čakčamánus 2017-otne
Čuojahanbargu Munch rahpamis Berlinas
čakčamánus 2023
Live konsearta Eriksmålas Ruoŧas
Suoidnemánus 2023
Live ambient konsearta THREADS London gullevaš rádiostašuvnnas
cuoŋománus 2023
8-kanála Spatial Sound konsearta, Spatial Sound festiválas Berlinas
njukčamánus 2023
Dáidda/«Techno Áhčči» musihkkavideo
guovvamánus 2022-guovvamánnui 2023
Čuojahanbargu Oslo konseartaviesus
guovvamánus 2023
Helgelándda feastariemut, ligget lávddi ovdal ISÁK konseartta
geassemánus 2021
Konsearta Oslo riikalávddis
guovvamánus 2020
Sámi festiválat
2019-2023
Eará attáldagat
Artistta «DJ iDJa» management, prošeaktajođiheapmi ja strategalaš sisdoallobuvttadeapmi. Dát sisdoallá earret eará:
-
Ohcat doarjaga almmolaš aktevrrain iežas prošeavttaide
-
Smávit ja stuorát prošeavttaid raporteren ja jođiheapme
-
Čuovvulit konttuid sosiála mediain (Facebook, Instagram, TikTok).
-
Čállit preassadieđáhusaid ja bargat mediagulahallin
-
Kontrávttat - čuojahanbargguid čuovvuleapmi Norggas ja olgoriikkas.
Čuojahanbargu Berlinische Galleriijas Berlinas «Edvard Munch Magic of the North» čájáhus rahpamis.
Erenoamáš ambient prošeakta huksejuvvon jietnabáddemiid vuođul dahkkon luonddus Sørfoldas, Sámis, geassit 2023. Sierralágan gieđahallanteknihkaid vuođul gárttai báddemiin konsearta mii bisttii 45 minuhta. Vuosttaš čájálmas dáhpáhuvai Eriksmålas Ruoŧas (liŋka).
London gullevaš THREADS rádiostašuvdna bovdii artistta čuojahit juoga mii mielddisbuvttii hui erenoamáš konseartta mas artistta iskkai iešguđetlágan jienaid «ruovttusráhkaduvvon» dronaiguin, synthaiguin ja jietnabáddemiiguin dáhkkon Sámis.
-
Loga eanet dán ovdanbuktima birra dáppe.
Spatial Sound nammasaš festiválas Berliinnas čuojahii DJ iDJa ovtta hui earenoamáš 8-kanála jietnabihtá mii bisttii olles diimmu.
• Eanet konseartta birra.
Prošeakta mas artista iežas musihka vuođul nákcii čohkket 215.000 kruvnna, čohkkii filbmenjoavkku Norggas ja Berliinnas ja ráhkadii oanehis filmma mii lea čájehuvvon filbmafestiválain moanat riikkain.
Guovvamánus 2023 čuojahii artista Oslo Konseartaviesus Sámi nationálabeaivvi oktavuođas.
Konsearta mas artista čuojahii iežas ráhkaduvvon musihka. Bargun lei ligget lávddi ovdal sámi ISÁK joavkku konseartta.
Konsearta Oslo riikalávddi klubbalávddi alde gos artista čuojahii iežas ráhkaduvvon musihka.
Artista lea čuojahan iežas ráhkaduvvon musihkain buot sámi stuorámus festiválain: Márkomeannu (2019, 2023), Riddu Riđđu (2021, 2022), Guovdageainnu beassášfestiválas (2022), Sápmi Pride (2019), Raasten rastah (2019) ja Røros Pride (2021).
Artisttas lea buorre hárjáneapmi navigeret buot daid doarjjaortnegiid čađa ja čállit ohcamušaid. Čakčat 2023 oaččui artista 180.000 kruvnna sturrosaš doarjaga Sámedikkis bargat iežas riikkaidgaskasaš artisttakarriearain.
Artista lea čađahan neahttakurssa musihkkabuvttadeames Berklee College of Music bokte. Son lea maiddái váldán piano diimmuid ArtistWorks.com neahttasiidu bokte.
Artista lea maiddái váldán oahpu duiskagielas Sprachenatelier Berlin bokte.
GIELLA JA IT
Dárogiella
Eŋgelasgiela
Sámegiela
Duiskagiela
IT
Eatnigiella.
Eŋgelasgiela njuovžilit sihke čálalaččat ja njálmmálaččat.
Hálddaša bures sámegiela njálmmálaččat ja vuođđodásis čálalaččat.
Duiskagiela vuođđodásis.
- Dovdá bures sosiála mediaid, erenoamážit Instagrama ja TikToka
- Dovdá bures Ms Office, CS páhka ja Mac OS
- Hálddaša video- ja govvaredigerema
- Oppalaš buorre dáhta/dihtor ipmárdus
- Hálddaša muhtun muddui webhábmema
- Dáhta analysa (guorahallan)
- Ableton Live áššedovdi ja oppalaš buorre ipmárdus musihkka- ja jietna buvttadeamis