iDJa Ovdanbuktá: Šuvva EP-skearru
iDJa almmuha otne iežas ambient EP-skearru "Šuvva" - erenoamáš mátki áiggis ja ávus.
Sámi elektronika artista iDJa lea áigeguovdil "Šuvva" nammasaš EP-skearruin - eksperimentalálaš ambient bihtát mat leat ráhkaduvvon jienaiguin báddejuvvon luonddus ja sámi duojis. EP-skearru almmuhuvvo bearjadaga geassemánu 6. beaivve.
– Šuvva lea fiinna davvisámegiel sátni. Munnje muitala dát sátni biekka birra go dat savkala luonddus, lohká iDJa.
– Sátni darvviha dan buorre dovddu čuožžut meahcis ja gullat go biegga lihkada muoraid. Dákkár dovdduid birra mun háliidan muitalit dainna skearruin.
Musihkka lihkahallá eanadagas luonddu ja teknologiija gaskkas báddemiiguin dahkkon earret eará Okstindenis Hemnes gielddas, meahcceguovlluin Helgelánddas ja sámi duojis ja juoigamis.
Báddemat leat digitálalaččat gieđahallon abstrákta jietnahápmái ja jorret konkrehtalaš ja abstrákta hámiid gaskkas.
EP-skearru lea boađus oahpus Berlinas gos artista earret eará oahpai buvttadanteknihka birra. Prošeakta lea sorjjasmeahttun ja lea šaddan duohtan Sámedikki artistta ovdánahttima ruhtademiin.
– Lea erenoamáš mátki áiggis ja ávus, juoga maid goanstajierbmi ii nákce buvttihit.
EP-skearru guhtta bihttá:
-
Gáissáide - movttiidahtton miellalági ja eanadaga rievdamis
-
Mearra - vuođđuduvvon jietnabáddemiin Helgelánddas gos bárut ja mearralottit gullojit
-
Áhčis - persovnnalaš bihttá ráhkaduvvon luođis maid artista oaččui iežas áhčis nuorran
-
Rávdnji - ráhkaduvvon jienaiguin duojis ja movttiidahtton luonddu energiijain
-
Šuvva - Rytmmalaš ambient bihttá movttiidahtton erenoamáš mátkkis Japanii 2017:s kombinerejuvvon jietnabáddemiin Sámi luonddus
-
Skábma - minimalisttalaš loahpaheapmi mas skábma davvin leamašan movttiideaddjin. Ráhkaduvvon jietnabáddemiin jieŋas ja artistta juoigamis
DJ iDJa lea ovdal markeren iežas klubba EP:in "Klubbas" ja čuojahanbargguiguin Berlinas, Prahas ja Norgga ja Sámi festiválain.
Šuvva lea fitnemis rávdnjebálvalusain geassemánu 6. beaivve rájes.
.jpg)