DJ iDJa ovdanbuktá: Klubbas EP

Mátki techno, árbevieruid ja persovnnalaš stuimmiid čađa.

​

DJ iDJa, Markus Johnsen Thonhaugen, almmuha iežas ođđa EP:a, «Klubbas», skábmamánu 8. beaivve 2024.  EP:a namma, «Klubbas», speadjalastá Thonhaugena álgoálbmot duogáža Davvi-Norggas. 

 

EP:a ovttastahttá techno ja deep house elemeanttaid báddemiin mat lea dahkkon Sámi meahcis. Thonhaugen geavaha luonddu jienaid iežas musihkkabihtáin ja ráhkada elektrovnnalaš buvttademiiguin gaskavuođaid iežas kultuvrralaš máttuiguin.

 

EP:a sisdoallá maiddái árbevirolaš sámi musihkkaelemeanttaid, dakko bokte maiddái ovtta luođi maid su áhčči, Arne Ivar Johnsen, lea ráhkadan.  Dát bihttá fátmmasta maiddái perkussiva elemeanttaid jienaiguin mat leat báddejuvvon sámi duojis. 

 

«Klubbas» leat máŋga musihkkabihttá ja juohke bihtás lea iežas sierra fokuseren. «Land Back» gieđahallá álgoálbmogiid eanavuoigatvuođaid. «Swedish Cocktail Groove» viežžá inspirašuvnna Thonhaugena vásáhusain sierralágan musihkkafestiválas Ruoŧas ja báddemiin mat leat dahkkon dán mátkkis. «Betrayal» čiekŋuda persovnnalaš vásáhusaid ja dovdduid mat gusket behttui. Fáttát mat suokkarduvvojit «Klubbas» fátmmastit sámi kultuvrra, álgoálbmot gažaldagaid ja Thonhaugena persovnnalaš vásáhusaid. Dát kultuvrralaš kommentára ja persovnnalaš muitalus báidná EP:a jiena ja struktuvrra.  

 

EP:as leat maiddái govat maid govvadáiddár Tina Dubrovsky lea váldán. Govat čájehit čáppa luonddu mat laktásit minerála buvttademiide sámi guovlluin.  

 

«Ária» lea dat maŋimuš bihttá dán EP:as. Dát bihttá, mas operalávlu Adrian Angelico oassálastá, čájeha Thonhaugena beroštumi kombineret iešguđetlágan musihkkašáŋŋeriid, nugo dán oktavuođas seaguhit elektronalaš elemeanttaid klassihkalaš elemeanttaiguin. 

 

Danin lea «Klubbas» miellagiddevaš mátki techno, árbevieruid ja persovnnalaš stuimmiid čađa.