Válljejuvvon DJ-čuojahanbarggut
Sámi musihka ođasmahttimis kombinere DJ iDJa luođi ja sámi teknologiijain ja elektronihkain.
Son lea buvttadan siŋŋeliid ja ovtta álbuma. Okta šuokŋa olahii nuppi saji NRK Sámi «Årets låt» gilvvus. Gieskat barggai son filbmabuvttadeaddjin «Techno Áhčči» oanehisfilmmas mii nominerejuvvui Gullstolen filbmagilvui mii lágiduvvui Grimstadas. Dan maŋŋá lea filbma čájehuvvon filbmafestiválain miehtá máilmmi.
DJ iDJa lea čuojahan buot lágan stuorát doaluin Sámis. Son lea čuojahan Báktehárjjis Guovdageainnus 600 olbmuide ja Márkomeanu festivála smávit tealttás 50 olbmuide. Su áŋggaštus elektronalaš musihkkii ja sámi luohtái ovttastuvvaba musihkas.
Guldal vel dán sámi disko miksa man son čuojahii Riddu Riđđu festiválas:
Jos háliidat geahččat video daid guovlluin gos DJ iDJa lea čuojahan de geahčas dán TikTokas.
Ovdanbuktin Museum Europäischer Kulturen báikkis, Berlin (2024)
iDJa čuojahii Museum Europäischer Kulturen báikkis Berlinas čakčamánu 14. beaivve 2024. Ovdanbuktimis ledje guokte oasi. Vuosttaš oasis besse olbmot gullat ambient komposišuvnnaid ráhkaduvvon báddejuvvon jienaiguin Sámis. Nubbi oassi sisdoalai elektrovnnalaš dánsunmusihka masa ledje seaguhuvvon elemeanttat luođis. Ovdanbuktin loahpahuvvui «Ária» nammasaš bihtáin mainna iDJa lea ovttasbargan Adrian Angelicoin. Ovdanbuktin lei oassi čájálmasas «Áimmuin Re-Connecting Sámi Heritage» musea 20. kulturbeivviid: Sápmi 2024 oktavuođas.
Ijahis Idja (2024)
iDJa čuojahii maid Ijahis Idja festiválas Anáris Suomas borgemánus 2024. Dát lei su vuosttaš DJ čuojaheapmi stuorát sámi festivála váldolávddi alde. Maŋŋá go Mari Boine lei geargan de son čuojahii ovttas DJ Ailoin. Sudnos lei visuálalaš ovdanbuktin mii mielddisbuvttii mearkkašahtti ovdáneame karriearas. Dát ovdanbuktin dievasmahtii su stuorát festiválaid mátki, klubbatealttá rájes váldolávdái, ja čájehii ahte sámi kultuvra eanet ahte eanet dohkkeha elektrovnnalaš musihka sin searvái.
Vuosttaš sámi rave (2024)
iDJa čuojahii vuosttaš sámi ravedoaluin suoidnemánus 2024 nu gohčoduvvon «Vuopmi» nammasaš elektrovnnalaš musihkkalávddi alde Márkomeannu festiválas. Ovttas DJ Ko:in čuojahii son fámolaš klubbamusihka mii kombinere luođi elektrovnnalaš buvttademiin. Dát historjjálaš lágideapmi čalmmustahtii ahte lea vuosttaš geardde go okta stuorra sámi festivála vuoruha underground elektrovnnalaš musihka daid 25 jagi siste go leamašan doaimmas.
Ovdanbuktimat Tartu (2024)
Ođđajagimánus ja geassemánus 2024 bovdejuvvui iDJa čuojahit Tartu 2024 oktavuođas. Vuosttaš ovdanbuktin dáhpáhuvai olgolávddis Võru gávpogis Estteeatnamis kulturgávpotjagi rahpamis. Nuppi ovdanbuktimis, mii dáhpáhuvai Tartu gávpogis, čuojahii iDJa Estteeatnama nationála museas maŋŋá go Parisa Filharmonalaš koarra lei lávlun ja gosa 600 olbmo ledje čoahkkanan. Tartu lei Estteeatnama Eurohpa kulturoaivegávpot 2024 gos badjel 1000 kulturdoalut lágiduvvojedje Lulli-Estteeatnamis. «Arts of Survival» lei prográmma váldofáddá - máhtolašvuođat ja dieđut buoret boahtteáiggi birra, ulbmilin nannet sihke turismma ja guhkesáigásaš regionálalaš ovdáneami. iDJa ovdanbuvttii musihkkabihtáid iežas ambient sisdoaluin.
5 diimmu DJ ovdanbuktin «Agenda Davvi-Norgga» konferánssas
Agenda Davvi-Norga lea jahkásaš konferánsa gos jođiheaddjit, áššedovdit ja eará berošteaddjit iešguđetge surggiin Davvi-Norggas čoahkkanit. Konferánssa ulbmilin lea gieđahallat otná hástalusaid ja vejolašvuođaid regiovnnas mat gusket dálkkádatrievdadeapmái, energiijanuppástuhttimii, dearvvasvuođakriisii ja servvodatovdáneapmái. Konferánsa doaibmá maiddái dego arenan fierpmádathuksemii, oahppamii ja innovašuvdnii. 2023:s lágiduvvui konferánsa Bådådjos, Nordlándda fylkka oaivegávpogis.
iDJa bovdejuvvui čuojahit ja guoimmuhit oasseváldiid olles 5 diimmu go sii čoahkkanedje sosiálalaš ovttastallamii gaskavahkku skábmamánu 9. beaivve. Dán, su guhkimus ovdanbuktimis maid son goassige lea čađahan, válddii son oasseváldiid mielde musihkalaš mátkái mas kombinerii sámi musihka ovttas iežas áŋggaštusain deep house, techno ja ambient šáŋŋeriidda. «Dát muittuha mu man fámolaš dákkár deaivvadeamit leat sihke váikkuheaddjiide ja mearrideaddjiide. Lea vejolaš orkestreret ovtta symfoniija ideaid birra mo čoavdit min áiggi stuorámus hástalusaid, erenomážit dálkkádatroasu ektui», čálii artista Instagramii ovdal su DJ ovdanbuktima.
DJ-gig Berliinna Galleriijas ja «Edvard Munch Magic of the North» čájáhusrahpan (2023)
Čakčamánus bovdejuvvui DJ iDJa ovdanbuktit erenoamáš DJ bihtáid ovtta Munch čájáhusrahpama oktavuođas Berliinnas. Lei Berlinische Galerie ovttas MUNCH-museain Oslos mat lágideigga dán čájáhusa. DJ bihtáid hárrái, maid DJ iDJa ovdanbuvttii, ovttastahtii son muhtun oasi iežas jietnabáddemiin Sámis davvi sámi divttaiguin - dasa lassin čuojahii son dárkilit válljejuvvon elektronalaš musihka mii fátmmastii ambient, deep house ja hilljánis techno. Okta bádden dán ovdanbuktimis álmmuhuvvui Mixcloud websiiddus ja dan sáhtát streamet dakko bokte. Sáhtát maid geahčat video čoahkkáigeasu dás vuollelis:
DJ-gig festiválas Prahas, 2023
Geassit 2023:s bovdejuvvui DJ iDJa čuojahit Pride deaivvadeamis Prahas. Badjel 60 000 olbmo serve parádii ja deaivvadeamis ledje doalut juohke beaivve olles vahkku. DJ iDJa čuojahii rahpandilálašvuođas olgun gos ovdanbuvttii luđiid ja sámi elektronika musihka máŋga čuođi olbmuide geat dánsu ja ávvudedje váikke lei hui molsašuddi dálki Tsjekkia oaivegávpogis.
DJ-gig Márkomeannu festiválas (2023)
Suoidnemánu loahpageahčen čuojahii DJ iDJa Márkomeannu festiválas Davvi-Norggas. Son čuojahii ođđa bihtáid maiguin son bargá ovttas eará sámi artisttaiguin. Musihkkabihtát ožžo buori responssa. Dás sáhtát oaidnit čoahkkáigeasu dán konsearttas:
DJ-gig Oslo Konseartaviesus (2023)
DJ iDJa ja DJ Ailo čuojaheigga ovttas guokte beaivve ovdal sámi náššonealabeaivvi Oslo Konseartaviesus. Lávvardaga guovvamánu 4. beaivve čuojaheigga soai ovttas Oslo Konseartaviesus. Sámi náššonealabeaivvi čuojahii DJ iDJa vel okto ovtta báikkis Oslo gávpoga guovddážis gosa ledje boahtán ollu olbmot vásihit su.
DJ-gig DJ Ailoin, Riddu Riđđu (2022)
Riddu Riđđu lea jahkásaš musihkka- ja kulturfestivála Olmmáivákkis Gáivuona suohkanis Davvi-Norggas. 2022:s čuojahii DJ iDJa ovttas DJ Ailoin erenoamáš DJ bihtáid «Club Lávvu» tealttás. Dát lei okta erenomáš klubbatealtá mii lei ceggejuvvon festivála báikái. Tealtá lei spagga dievva. Ollugat eai beassan sisa go tealttás ii lean šat sadji.
Govat: Ørjan Marakatt Bertelsen.
Videočoahkkáigeassu:
Konsearta Guovdageainnu beassášfestiválas (2022)
Okta DJ iDJa stuorámus čuojahanvásáhusaid gaskkas lea Guovdageainnu beassášfestivála 2022. Beassášlávvardaga čuojahii son ovttas eará sámi artisttaiguin Báktehárjjis gosa ledje birrasii 600 olbmo čoahkkanan. Seammá eahkeda lei son okta «Sámi Grand Prix» lávlungilvvu duopmárin. Gilvui serve artisttat olles Sámis mii maiddái sáddejuvvui NRK TV:s.
Govvideaddji: Mads Suhr Pettersen.
Videočoahkkáigeassu:
Konsearta Riddu Riđđu váldolávddis (2021)
Guktii lea DJ iDJa čuojahan Riddu Riđđu festiválas. Son lea čuojahan klubbatealttáš ja váldolávddi alde. Covid jagis 2021:s lágiduvvui festivála stuorra gáržžidemiiguin. Liikká beasai DJ iDJa, ovttas lullisámi lávluiguin ÅVLA ja Ramona Linnea, guoimmuhit olbmuid Riddu Riđđu váldolávddi alde. Okta lávlla sáddejuvvui NRK TV prográmmas «Festivalsommer».
Dán ovdanbuktima NRK TV sáddagis sáhtát oaidnit dás vulobealde (NRK lea addán midjiide lobi álmmuhit dán oasi).
Konsearta Røros Pride (2021)
2021:s lágideigga DJ iDJa ja ÅVLA konseartta Røros gili márkanšiljus vuosttaš Røros Pride doaluid oktavuođas. Máŋga čuođi olbmo serve Pride vázzimis dan seamma vahkus.
Helgelándda musihkkariemut (2021)
Helgelándda musihkkariemut lea okta daid stuorámus riemuin mat lágiduvvojit Davvi-Norggas. 2021:s čuojahii DJ iDJa, ovttas máttasámi artistta guoktáin ÅVLA ja Rammona Linnea, Helgelándda musihkkariemuid lávddi alde. Doppe son ovdanbuvttii lávlagiid su ođđa álbmumis «Gieriesvoete».
Dá lávlla «Aarvoes» man ÅVLA lávllui Helgelándda musihkkariemuin 2021:
Konsearta Riikalávddis (2020)
Riikalávdi lea báiki gos árbevirolaš musihkka- ja dánsun deaivvadeaba. Doppe lágiduvvojit doalut mat gokčet buotlágán surggiid, maiddái sámi guoskevaš doalut. Justa ovdal covid pandemiija 2020:s čuojahii DJ iDJa, ovttas máttasámi artisttain ÅVLA, Riikalávddis Oslos. Dát lei sudno vuosttaš konsearta mas soai čuojaheigga musihka maid ieža leigga lágidan.
Márkomeannu (2019)
Márkomeannu festivála lágiduvvo jahkásaččat suoidnemánu loahpageahčen Evenášši gielddas Nordlánddas. 2019:s čuojahii DJ iDJa Márkomeannu «klubbatealttás». Dán konsearttas son iežas vuosttaš siŋgela «Ráhkisvuohta». Dát siŋŋel álmmuhuvvui dasto maŋŋelis dán jagis.
Dá DJ miksa musihkas maid son čuojahii álggos dán konsearttas:
Geahča maiddái videočoahkkáigeasu: