Ovdanbuktin Museum Europäischer Kulturen báikkis

iDJa čuojahii Museum Europäischer Kulturen báikkis Berlinas čakčamánu 14. beaivve 2024.

Ovdanbuktimis ledje guokte oasi. Vuosttaš oasis besse olbmot gullat ambient komposišuvnnaid ráhkaduvvon báddejuvvon jienaiguin Sámis.

Nubbi oassi sisdoalai elektrovnnalaš dánsunmusihka masa ledje seaguhuvvon elemeanttat luođis. Ovdanbuktin loahpahuvvui «Ária» nammasaš bihtáin mainna iDJa lea ovttasbargan Adrian Angelicoin.

Ovdanbuktin lei oassi čájálmasas «Áimmuin Re-Connecting Sámi Heritage» musea 20. kulturbeivviid: Sápmi 2024 oktavuođas.