Fylkingen

Čakčamánus 2025:s čuojahii iDJa Fylkingen elektronalaš musihkka báikkis Stockholmmas Ruoŧas.

Konsearttas čuojahii son osiid "Gaskačázis" prošeavttas mii lea barggu vuolde. Prošeakta sisdoallá jienaid mat leat báddejuvvon luonddus Sámis ja Himalayas. Jienat leat kombinerejuvvon synthaiguin ja jienaiguin mat čuojadettiin manipulerejuvvojit.

Konsearttas čájehuvvojedje video báddemat maid artista ieš lea dahkan Melamchis, Tarkehyangas ja Ama Yangris Nepalas ja dasa lassin Sáltoduoddaris, Helgelánddas ja Fuolddás Davvi Norggas.

Jienaid ja govaid bokte suokkarduvvojit ovttalágánvuođat Davvi Norgga ja Nepala guovlluid gaskkas gos dálkkádatrievdamat garrasit čuhcet ja gos álgoálbmogat ellet.

Sámediggi, Nordlándda fylkkagielda ja Kulturráđđi dorjot prošeavtta mii vuosttaš geardde álmmuhuvvo gaskamuttus 2026:s.

Loahpalaš veršuvdna sisdoallá live visuálalaš bargguid maid visuálalaš dáiddár Eli Bråstad lea dahkan.