Arctic Circle Assembly

Okta ođđa oassi Gaskačázis prošeavttas ovdanbuktojuvvui Arctic Circle Assembly loahpaheamis Harpa konseartaviesus Reykjavikas Islánddas. Arctic Circle Assembly lea dat stuorámus árktalaš konferánsa máilmmis.

Prošeakta lea huksejuvvon jietnabáddemiiguin dahkkon Sáltoduoddaris mannan čavčča ovtta guovllus gos lea nana sámi čanastupmi.

Luonddubáddemat leat kombinerejuvvon luđiin ja hilljánis techno ritmmaiguin. Loahpaboađus lea positiiva vuoigŋa gaskal elektronalaš musihka ja luonddu.

Gaskačázis lea ovttasbargu gaskal iDJa (jienat) ja Eili Bråstada (visuála) man Sámediggi, Nordlándda fylkagielda ja Kulturráđđi leat dorjon.

Prošeakta suokkarda oktavuođaid Sámi ja Himalaya gaskkas ja plánejuvvon vuosttaš ovdanbuktin lea gaskamuttus 2026:s .