Álmmuhankonsearta gilvvavisttis

Bearjadaga geassemánu 20. beaivve 2025 almmuhuvvui Šuvva nammasaš skearru konsearttain mii lágiduvvui Space for Plants gilvvavisttis Budejjus.

Olbmot čohkkájedje artistta birra ja nu sii besse vásihit musihka mii álggahuvvui hilljánis ambient musihkain mii dađistaga rievddai rytmmalaš klubba inspirerejuvvon osiide.

Skearru lea huksejuvvon jietnabáddemiiguin dahkkon luonddus Davvi Norggas ja Sámis mat sisdollet jienaid čázis, arvvis ja jienaid sámi giehtaduojis. Buot jienat leat digitálalaččat gieđahallon ja oktiibidjon elektrovnnalaš čuojanasaiguin.

Sátni "šuvva" muitala mo gullo go biegga lihkada rásiid ja muoraid.

Nais Media filbmii dán konseartta. Geahča filmma dákko bokte: