Fimbán

Dát lea árjjalaš ja klubba ustitlaš šuokŋa mas árbevirolaš luohti seaguhuvvo house musihkain.

Luohti, mii gullá Guovdageainnu Fimpá sohkii, oaččui ođđa fámu maŋŋá go iDJa (buvttadeaddji) ja Guovdageainnu juoigi Sárá Gáren Ánne Nilut ovttasbarggaiga dáinna.

Boađusin šattai rytmmalaš ja álkes šuokŋa mii gudnejahttá árbevieru ja bovde vel dánsut ge. Šuokŋa álmmuhuvvui geassemánu 27. beaivve 2025:s.