Čuojahanbargu Gardenis Eriksmålas (Ruoŧas, 2023)
Geassit 2023 galledii DJ iDJa ovtta ávdin giláža Lulli-Sámis. Tennvatn, mii lea Sørfold gielddas, bázii ávdimin 1970/80 logus ráđđehusa guovdduštanpolitihka dihte. Dán áigge lea dušše fatnasiin vejolaš beassat dohko. Gilážis ásse dušše moadde sápmelačča earret badjeolbmuid geat gaskkohagaid lávejedje fitnat gilážis. Gilážis čuččot ain viesut, maiddái okta viessu gos okta sámi bearaš lea orrun.
Dás oainnát govaid mat leat váldon gilážis:
Vaikke gilážis eai ása dálonat de doppe lea čáppa flora ja fauna. Ođđaáigásaš servvodaga jupmanuoskkideapmi iige gullo. DJ iDJa galledii giláža gos orui golbma beaivve dan botta go báddi luonddu jienaid jogažiin, divrriin, elliin ja meahcis.
Jietnabáddemat duođaštit mii dáhpáhuvvá go luondu bálle ráfis orrut ja go luonddus ii šat gullo olbmuid jupmanuoskkideapmi.
Dákkár guovllut šaddet eanet ahte eanet apmasat olbmuide danin go eanet ahte eanet olbmot ellet urbána eallima gos jienat johtolagas alo gullojit.
Olbmuid jupmanuoskkideapmi lea dagahan ahte luonddujienat eai šat gullo. Dát mielddisbuktá ahte luondu šaddá amas ja juoga maid dušše vásihit párkkain gávpogis.
DJ iDJa lea rievdadan jietnabáddemiid maid dagai Sørfoldas live ambient hápmái. Son čuojahii dán bihtá vuosttaš geardde Gardenis (Eriksmålas Ruoŧas) 2023 geasi.
Su višuvdna ovdanbuktimis lei deattuhit man amas luondu lea šaddan eatnasiidda. Ovdanbuktimis gaikánit jienat máŋga smávit bihtáide. Dát šaddet dego bores muittut vássán áiggis.
DJ iDJa lea dál bargamin 30 minuhta guhkes EP:in ovdanbuktimis mii álmmuhuvvo 2024.
Dáppe oainnát olles ovdanbuktima: